ഓര്മ്മിക്കല്
ഒരു രാഷ്ട്രീയ പ്രവര്ത്തനമാണ്..
അവസാന പച്ചപ്പും നുള്ളിയെടുത്ത്
ഹൃദയധമനിയോരത്തെ കണ്ടലുകളില്
രാസലായനി കോരിയൊഴിക്കപ്പെടുമ്പോള്
തന്നെക്കുറിച്ചോര്മ്മിക്കല്..
ഓര്മ്മ
ഒരെതിര് സത്യവാങ്മൂലമാണ്..
മറവിയുടെ ജനാധിപത്യത്തില്
മൌനം ശീലിച്ച സര്വ്വേക്കല്ലുകള്
വിസ്ഫോടനങ്ങളോട്, നെഞ്ച്വിരിച്ച്
ചാരപ്പുതപ്പഴിച്ചുമാറ്റി, കനലായ്
എന്നെയുണര്ത്തല്..
ഓര്മ്മിക്കപ്പെടല്
തിരിച്ചറിവിന്റെ താമ്രപത്രമാണ്..
ഇടപെടലുകളുടെ ബലാല്ക്കാരങ്ങളില്
നഷ്ടമായ ചാരിത്രമോര്ത്തൊരു ഭൂപടം
വ്രണിതഹൃദയവുമായ് അലയില്ലായിരുന്നെന്ന്
ഒരോര്മ്മപ്പെടല്...
തിരിച്ചറിവിന്റെ നേരുതിരയാന്
മറവിയുടെ നെഞ്ചുപിളര്ത്താന്
ഞരമ്പുകളില് നിണം തന്നെയെന്നറിയാന്
എന്നേക്കുറിച്ചാണാദ്യം ഓര്മ്മകളുണ്ടാവേണ്ടത്..
18 November, 2009
ഉറങ്ങാത്തൊരു വാള്ത്തലപ്പ്
Posted by ഫസല് ബിനാലി.. at 11/18/2009 03:26:00 pm 10 comments
12 September, 2009
ഉറക്കം കെടുത്തുന്നത്...
എന്റെ കണ്കോണിലെ
നിന്റെയോരോ പീളകെട്ടിയ കാത്തിരിപ്പും
ഓരോ ശ്രമങ്ങളായിരുന്നെന്ന്
ഞാനെന്തേ അറിയാതെപോയീ
ഉണര്വ്വിന്റെ ഓരോ പുലരിയും
രാക്കറുപ്പിന് തോല്വിയായും
പകല്തിളക്കത്തിന് വിജയമായും
എന്റെ ധാരണകളില് കൊറിയിട്ടതെന്തേ
രാവിന്റെ മറവുകളില്
തളര്ച്ചയുടെ ശയനങ്ങളില്,
പാതിവഴിയില് മടങ്ങാന് ഹേതു
കണ്ടുതീരാത്തയെന്റെ സ്വപ്നങ്ങളായിരുന്നോ
ചെറിയ ചെറിയ മയക്കങ്ങള്
കൂട്ടിക്കെട്ടിയൊടുവില്
മരണത്തിനു കൂട്ടിരുന്നയെന്റെ
ഉറക്കമേ ഞാനറിയുന്നുവിന്ന്
തണുത്തുറഞ്ഞയീ നിശ്ചലത,
കാത്തിരിപ്പിന്റെയൊരു ദീര്ഘായുസ്സ്..
Posted by ഫസല് ബിനാലി.. at 9/12/2009 03:21:00 pm 10 comments
25 August, 2009
പിന്ഗാമി..
എന്റെ നാട്ടുഭാഷയില്
കവിത പടര്ത്തിയവനേ..
നിന്റെയാന്തരാവയവങ്ങള്
വേര്പ്പെടുത്തി ഞാന് തിരയും
കവനം ചെയ്ത മഷിച്ചെപ്പ്
ദൂരെയെറിഞ്ഞുടയ്ക്കും..
ചോരയൊളിപ്പിച്ച കത്തി
നിന്റെ ചങ്ക് മുത്തിമണക്കും
സത്യം, ഞാന് പിന്ഗാമി...
മുല്ലപ്പൂവിന്റെ നറുമണം
വേരോടറുത്തെടുക്കാന്
തണ്ടിലും പിന്നെ വേരിലും
തേടിത്തോറ്റൊടുവില്
മണ്ണോടലിഞ്ഞവന്റെ
നേര് പിന്ഗാമി..
ഒരു തരി കെട്ടുപൊന്നില്
ജീവശാസ്ത്രമൊളിപ്പിച്ച്
കൊടുങ്കാറ്റിന് മനം പിടിച്ചുലച്ച്
നേരം വെളുപ്പിക്കുന്നവളുടെ
മനസ്സിന് ജീന് തേടിത്തോറ്റ
ശാസ്ത്രത്തിന്റെ പിന്ഗാമി..
മണലാരണ്യങ്ങളിലെവിടെയോ
അടക്കം ചെയ്ത പിതാമഹന്റെ
സ്വപ്നങ്ങളുടെ അസ്ഥികൂടം
തേടിയലഞ്ഞൊടുവില്
കള്ളിമുള്ച്ചെടിയോട് വിലപിച്ച്
പ്രവാസത്തിന്റെ കനത്ത ഭാരം
മുഖം നഷ്ടപ്പെടുത്തിയവന്
വിരൂപന്റെ പിന്ഗാമി...
Posted by ഫസല് ബിനാലി.. at 8/25/2009 01:50:00 pm 10 comments
01 August, 2009
തിണ്ണബലം
Posted by ഫസല് ബിനാലി.. at 8/01/2009 03:38:00 pm 18 comments
25 July, 2009
സാന്ദ്രത കൂടിയത്
Posted by ഫസല് ബിനാലി.. at 7/25/2009 02:41:00 pm 3 comments
18 May, 2009
ജലം
Posted by ഫസല് ബിനാലി.. at 5/18/2009 11:31:00 am 18 comments
02 March, 2009
ഓര്മ്മകളുടെ കലാപം
മറവികളോട് മാത്രമായിരുന്നില്ല,
മറവികള്ക്ക് ഈടായി നിന്ന
നിസ്സഹായതോടുമായിരുന്നു..
കരിങ്കല് ചീളുകള്ക്ക്
ചിറക് മുളക്കാന് തുടങ്ങിയത്
ദൂരമേറെ പോകാനുണ്ടെന്നറിഞ്ഞ
കണ്ണുനീരിന് ഉപ്പുകാറ്റേറ്റായിരുന്നു..
തോല്വിയുടെ ആണ്ടുദിനങ്ങള്
ഓര്ത്തെടുത്ത് തീക്കനല് കൂട്ടിയത്
പുലരിത്തണുപ്പിന് വാള്ത്തലപ്പോട്
കൈചൂണ്ടി നോവ് പറയാനുമായിരുന്നു..
മറവിയുടെ പുകകവചമണിഞ്ഞൊരു
ജന്മം ഇനി ഞാന് ദൂരെയെറിയട്ടെ,
ഓര്മ്മയുടെ തിരിനാളമായ്
നിമിഷാര്ദ്ധമെങ്കിലും കത്തിയമരട്ടെ...
Posted by ഫസല് ബിനാലി.. at 3/02/2009 03:43:00 pm 8 comments