ഒരേ നമ്മള്‍

ചേർച്ചയുള്ള ചേതന 

കരളുറച്ച കാൽനട 

ഭാവി ഭാരതത്തിൻ 

പാറുമുയരെ കാഹളം..

ഹിന്ദു മുസ്ലിം കൃസ്ത്യനും 

ഒരേ പതാക വാഹകർ..

ഗാന്ധി ആസാദ് നെഹ്രുവും 

ഒരേ സമര നായകർ.. 

അവർ നയിച്ച അവർ ജയിച്ച 

അവർ വരിച്ച മണ്ണിത്...

ഭാഷ പലതുമെങ്കിലും 

ഒരേ വാ മൊഴിഞ്ഞവർ..

വേഷം അന്യമെങ്കിലും 

ഒരേ വേഷ ധാരകൾ..

അവർ പറഞ്ഞ അവർ ചലിച്ച 

അവർ മണക്കും മണ്ണിത്..

വർഗ്ഗ വർണ്ണ ചിന്തകൾ 

ഒരേ പിഴച്ച പിറവികൾ..

കുടില തന്ത്ര ബുദ്ധികൾ 

ഒരേ കുടില മനസ്സുകൾ..

തുരത്തിടും  തളിർത്തിടും 

അവർ മെനഞ്ഞ നാടിത്..

ചേർച്ചയുള്ള ചേതന 

കരളുറച്ച കാൽനട 

ഭാവി ഭാരതത്തിൻ 

ഉയരുമുയരെ കാഹളം

ഉയരുമുയരെ കാഹളം..