വീട് ഒരു കെട്ടിടമല്ല
ശരീരത്തിനു മനസ്സിനും പുണരാന്‍
സ്നേഹക്കുളിരാല്‍ മേല്‍ക്കൂരയിട്ട്
ബന്ധങ്ങളുടെ തറയുറപ്പില്‍
ഒരമ്മ മനസ്സെന്റെ വീടിനുവേണം.
മണല്‍മലയോളം ദാഹമലിയാന്‍
കന്നിമൂലയിലൊരു ആള്‍മറയിട്ട്
ഒരു കിണറാഴം നനവ്‌ വേണം
ഒരിളം കാറ്റിനു കാത്തിരിക്കാന്‍
അരികിലൊരു മരത്തണല്‍ വേണം
മുറ്റത്തൊരു ബാല്യം
പിടിവാശി പിടിച്ചു നില്‍ക്കണം.
മുറികള്‍ പങ്കിട്ടെടുത്ത്
അകത്തളങ്ങള്‍ വിജനപ്പെട്ട്
കളിചിരിയോട് വാതിലടച്ച്
വീടോടൊന്നും ഉരിയാടാതെ
വീടെന്നെ കാത്തിരിക്കാതെ
എനിക്കൊരു വീടെന്തിന് ?.
മടങ്ങാനാകുമെങ്കില്‍
ഞാനെന്നേ പോയിരുന്നേനെ
എന്റെ ആദ്യ വീട്ടിലേക്ക്
അമ്മയുടെ ഗര്‍ഭപാത്രത്തിലേക്ക്,
'സ്പന്ദനമുള്ള' ആദ്യ വീട്.
20 June, 2012
വീട്
Posted by ഫസല്‍ ബിനാലി.. at 6/20/2012 12:03:00 pm
Subscribe to:
Post Comments (Atom)
2 Comments:
വീട് ഒരു സ്വപ്നമാണ്. അത് സ്നേഹവും സുരക്ഷിതത്വവും സുഗന്ധവും കുളിരും നന്മയും സന്തോഷവും കൊണ്ട് കെട്ടി ഉയര്‍ത്തിയത്‌ ആവണം.
വളരെ ഇഷ്ടപ്പെട്ടു
Post a Comment