വാക്കുകളുടെ ബലക്കുറവ്
മനസ്സാക്ഷിക്കുത്തിന്റെ നോവാണ്
പുഴുക്കുത്തേറ്റ പഴുത്തിലയുടെ
തണ്ടിന്റെ മനോബലമാണതിന്..
വികലമായ കാഴ്ച്ചകള്ക്ക്
കാഴ്ച്ചപ്പാടിന്റെ പശിമയാണ്
കണ്ണടയുടെ ചെറുവട്ടത്തിലത്
കയ്യെത്തുംദൂരെ കാണാനാവില്ല
കേട്ടുകേള്വികള് നൊമ്പരമല്ല
കേള്ക്കാതെ കേള്ക്കാനാകുവോളം
രോദനങ്ങള് പിന്നെയുമലയും
കര്ണ്ണപടമുള്ള കാതുകള് തേടി..
തേന് മുക്കിയ വിഷക്കായകള്
നാവുകളെ പിന്നെയും വഞ്ചിക്കും
നാസികകള് വിയര്ക്കാനല്ലാതെ
ശ്വസിക്കാന് തോല്ക്കുന്നിടങ്ങളില്..
വേനലിന് മാറുപിളര്ത്തി
തലനീട്ടിയ പുല്നാമ്പുകള്
തൊണ്ടകീറി കരയുകയാവണം
വൈകി വന്ന യാചകനെപ്പോലെ..
മനസ്സാക്ഷിക്കുത്തിന്റെ നോവാണ്
പുഴുക്കുത്തേറ്റ പഴുത്തിലയുടെ
തണ്ടിന്റെ മനോബലമാണതിന്..
വികലമായ കാഴ്ച്ചകള്ക്ക്
കാഴ്ച്ചപ്പാടിന്റെ പശിമയാണ്
കണ്ണടയുടെ ചെറുവട്ടത്തിലത്
കയ്യെത്തുംദൂരെ കാണാനാവില്ല
കേട്ടുകേള്വികള് നൊമ്പരമല്ല
കേള്ക്കാതെ കേള്ക്കാനാകുവോളം
രോദനങ്ങള് പിന്നെയുമലയും
കര്ണ്ണപടമുള്ള കാതുകള് തേടി..
തേന് മുക്കിയ വിഷക്കായകള്
നാവുകളെ പിന്നെയും വഞ്ചിക്കും
നാസികകള് വിയര്ക്കാനല്ലാതെ
ശ്വസിക്കാന് തോല്ക്കുന്നിടങ്ങളില്..
വേനലിന് മാറുപിളര്ത്തി
തലനീട്ടിയ പുല്നാമ്പുകള്
തൊണ്ടകീറി കരയുകയാവണം
വൈകി വന്ന യാചകനെപ്പോലെ..