18 November, 2009

ഉറങ്ങാത്തൊരു വാള്‍ത്തലപ്പ്

ഓര്‍മ്മിക്കല്‍
ഒരു രാഷ്ട്രീയ പ്രവര്‍ത്തനമാണ്..
അവസാന പച്ചപ്പും നുള്ളിയെടുത്ത്
ഹൃദയധമനിയോരത്തെ കണ്ടലുകളില്‍
രാസലായനി കോരിയൊഴിക്കപ്പെടുമ്പോള്‍
തന്നെക്കുറിച്ചോര്‍മ്മിക്കല്‍..

ഓര്‍മ്മ
ഒരെതിര്‍ സത്യവാങ്മൂലമാണ്..
മറവിയുടെ ജനാധിപത്യത്തില്‍
മൌനം ശീലിച്ച സര്‍വ്വേക്കല്ലുകള്‍
വിസ്ഫോടനങ്ങളോട്, നെഞ്ച്‌വിരിച്ച്
ചാരപ്പുതപ്പഴിച്ചുമാറ്റി, കനലായ്
എന്നെയുണര്‍ത്തല്‍..

ഓര്‍മ്മിക്കപ്പെടല്‍
തിരിച്ചറിവിന്‍റെ താമ്രപത്രമാണ്..
ഇടപെടലുകളുടെ ബലാല്‍ക്കാരങ്ങളില്‍
നഷ്ടമായ ചാരിത്രമോര്‍ത്തൊരു ഭൂപടം
വ്രണിതഹൃദയവുമായ് അലയില്ലായിരുന്നെന്ന്
ഒരോര്‍മ്മപ്പെടല്‍...

തിരിച്ചറിവിന്‍റെ നേരുതിരയാന്‍
മറവിയുടെ നെഞ്ചുപിളര്‍ത്താന്‍
ഞരമ്പുകളില്‍ നിണം തന്നെയെന്നറിയാന്‍
എന്നേക്കുറിച്ചാണാദ്യം ഓര്‍മ്മകളുണ്ടാവേണ്ടത്..

10 Comments:

ശ്രീ said...

കൊള്ളാം

മാറുന്ന മലയാളി said...

നന്നായിരിക്കുന്നു.

കുമാരന്‍ | kumaran said...

manOharam... fazal...!

Mahesh Cheruthana/മഹി said...

വളരെ അര്‍ഥവത്തായ വിഷയം ! ഇഷ്ടമായി!

rajshines said...

:)

Akbar said...

ഞരമ്പുകളില്‍ നിണം തന്നെയെന്നറിയാന്‍
എന്നേക്കുറിച്ചാണാദ്യം ഓര്‍മ്മകളുണ്ടാവേണ്ടത്..

ഓര്‍മ്മകള്‍ ഉണ്ടായിര്‍ക്കട്ടെ.
ആശംസകളോടെ

Rosh said...

തിരിച്ചറിവിന്‍റെ നേരുതിരയാന്‍
മറവിയുടെ നെഞ്ചുപിളര്‍ത്താന്‍
ഞരമ്പുകളില്‍ നിണം തന്നെയെന്നറിയാന്‍
എന്നേക്കുറിച്ചാണാദ്യം ഓര്‍മ്മകളുണ്ടാവേണ്ടത്..

ഓര്‍മ്മിക്കപ്പെടല്‍
വിസ്ഫോടനങ്ങളോട്, നെഞ്ച്‌വിരിച്ച്
ചാരപ്പുതപ്പഴിച്ചുമാറ്റി, കനലായ്
എന്നെയുണര്‍ത്തല്‍..

തിരിച്ചറിവിന്‍റെ കുറിപ്പിന് ഭാവുകങ്ങള്‍...

തൂലിക said...

അതെ സമകാലീനമായ് ചില പ്രയോഗങ്ങളിലൂടെ ഗൌരവതരമായ ഒരു വിഷയമാണ്‍ ഫസല്‍ താങ്കള്‍ കവിതക്ക് തിരഞ്ഞെടുത്തുന്നത്, അത് അതിന്‍റെ തീവ്രതയോടെ അവതരിപ്പിക്കുന്നതിലും കയ്യ|ട്ക്കം കാണിച്ചിരിക്കുന്നു, ആശംസകള്‍.

ഫസല്‍ / fazal said...

ദൈനംദിന രാഷ്ട്രീയ പ്രവര്‍ത്തനമല്ല, സത്യമാണെന്ന ധാരണയിലുള്ള സത്യ്വാങ്ങ്മൂലങ്ങളല്ല, പുറംപൂച്ചുകള്‍ക്കുള്ള താമ്രപത്രങ്ങളല്ല... ചുറ്റുപാടുകളാണ്‍ ഇത്തരം വരികളും കഥകളും ലേഘനങ്ങളും ഉണ്ടാക്കുന്നത്, അത് ഇത്തരം സാഹിത്യ സൃഷ്ടികളില്‍ മാത്രം ഒതുങ്ങിപ്പോകുന്നതാകും അത്തരം നീചകൃത്യങ്ങള്‍ക്ക് കൂട്ടുനില്‍ക്കുന്നവരേക്കാള്‍ അക്രമിയാവുക. വ്യക്തിപരമായ് ശ്രമങ്ങളും വളരേയധികം പ്രകൃതി നമ്മില്‍ നിന്നാവശ്യപ്പെടുന്നു.

പ്രതികരിച്ച എല്ലാ നല്ല സുഹൃത്തുക്കള്‍ക്കും നന്ദി.

pure said...

fantastic post!!

Thesis Writing | Buy Thesis | Dissertation